Rusiyanın Romadakı səfiri Aleksey Paramonov İtaliya Xarici İşlər Nazirliyinə çağırılıb. Bu barədə ANSA İtaliya Xarici İşlər Nazirliyindəki mənbələrə istinadən məlumat yayıb.
Onların məlumatına görə, Rusiya diplomatik missiyasının rəhbərinin çağırışı “Aleksey Navalnının işi” ilə bağlıdır.
Bazar ertəsi İtaliyanın xarici işlər naziri və baş nazirin müavini Antonio Tajani özünün X səhifəsində Brüsseldə Navalnının dul arvadı Yuliya ilə görüşdüyünü və “ona Romanın tam dəstəyini vəd etdiyini” yazıb.
Fevralın 16-da Federal Penitensiar Xidmətin Yamalo-Nenets Muxtar Dairəsi üzrə Departamenti Navalnının koloniyada öldüyünü açıqlayıb. Şöbədən verilən məlumata görə, gəzintidən sonra o, özünü pis hiss edib və huşunu itirib. Həkimlər dərhal məhbusa kömək etməyə başlayıb və yarım saatdan çox onu reanimasiya etməyə çalışıblar.(Tass)