2024-cü il iyunun 15-də Slovakiya prezidenti vəzifəsinin icrasına başlayan Peter Pelleqrini Ukrayna Silahlı Qüvvələrində xidmət keçmək üçün icazə xahişi ilə ona müraciət edən 4 respublika vətəndaşından imtina edib. Bu barədə TASR xəbər agentliyi dövlət başçısının administrasiyasına istinadən məlumat yayıb.
“Prezident mandatının əvvəlindən Slovakiya vətəndaşlarından onların Ukrayna Silahlı Qüvvələrində xidmət etməsinə icazə verilməsi ilə bağlı dörd ərizə qəbul edib. ” deyə agentlik prezident administrasiyasının məlumatlarına istinadən xəbər verir.
Slovakiya vətəndaşları yalnız Respublika Prezidentinin icazəsi ilə xarici hərbi birləşmələrə və ya hərbiləşdirilmiş qüvvələrə qoşula bilərlər. Əks halda, onları cinayət məsuliyyətinə cəlb edəcək və uzun müddətə həbs cəzası gözləyir.
Pelleqrini dəfələrlə bəyan edib ki, Ukraynadakı münaqişənin hərbi yolla həlli yoxdur. Slovakiya hakimiyyəti 2023-cü ilin oktyabrından bu ölkəyə hərbi yardımı dayandırıb. Respublika Kiyevə hərtərəfli humanitar yardım göstərir və Ukraynanın bərpasında iştirak edir.