Suriya ordusunun artilleriyası Hələb vilayətinin qərbində “Cəbhət ən-Nusra” terror qruplaşmasının bazalarını raket və minaatanlardan atəşə tutub. Al Watan qəzetinin məlumatına görə , nəticədə Atarib bölgəsində 3 yaraqlı öldürülüb, daha 7-si yaralanıb.
Hökumət qüvvələrinin zərbələri Suriyanın şimal-qərbində deeskalasiya zonasında fəaliyyət göstərən quldur dəstələrinin atəşkəs rejimini pozmasına cavab olaraq həyata keçirilib.
Nəşrin məlumatına görə, terrorçu dəstələrə qarşı əməliyyatlar İdlib və Həma əyalətlərində də həyata keçirilib. Suriya qoşunlarının Saraqib şəhərində yerləşən bölmələri düşmənin Sərmin və Afesdə möhkəmləndirilmiş ərazilərinə hücum edib, yaraqlılar itki verib.
Suriyanın şərqində Deyr əz-Zor əyalətində “İslam Dövləti” ekstremist təşkilatının terrorçu dəstələri ilə toqquşmalar baş verib. “Al Watan”ın məlumatına görə, hücum zamanı 3 hökumət əsgəri həlak olub. (Tass)