Suriyanın daxili təhlükəsizlik qüvvələrinin 3 əməkdaşı ölkənin cənubunda yerləşən Dəra əyalətində bir qrup terrorçunun hücumu nəticəsində həlak olub. Bu barədə SANA dövlət agentliyi məlumat yayıb.
Onun sözlərinə görə, hücum zamanı hərbçilər xidmət etdikləri Suriya-İordaniya sərhədində yerləşən Nəsib məntəqəsinə doğru gedirmiş. Hücum edənlər atəş açıb, daha sonra naməlum istiqamətə qaçıblar.
2018-ci ildə terrorçulardan azad edilən Suriyanın cənub rayonlarında son zamanlar “İslam Dövləti” terror qruplaşmasının yaraqlılarının fəallığı artıb.