Türkiyə kəşfiyyat xidmətləri Suriyada yüzlərlə hərbi podratçı işə götürərək ilkin təlimdən sonra Nigerə göndərib. Bu barədə Cənubi Afrikanın müdafiə mövzularında ixtisaslaşan Defenseweb xəbər portalı məlumat yayıb .
Suriya İnsan Haqları Müşahidə Qrupunun direktoru Rami Əbdülrəhmandan sitat gətirir: “Biz 2023-cü ilin sentyabrından bəri təxminən 1100 suriyalı döyüşçünün Nigerə yerləşdirildiyini təsdiqləyirik”. Onun sözlərinə görə, müqavilə ilə işləyənlərin əmək haqqı ayda 1,5 min dollardır. Döyüşçülər Türkiyə hərbçilərinin rəhbərliyi altında Suriyada təlim keçib.
“Defenseweb”in məlumatına görə, Suriyadan gələn bölmələr Niger, Mali və Burkina Faso sərhədlərinin qovuşduğu və terrorçu qrupların fəaliyyət göstərdiyi Liptako-Qourma bölgəsində yerləşdirilib. Suriyalılar minaları, sənaye obyektlərini və hərbi bazaları qoruyur. Əbdülrəhman bildirib ki, iyunun əvvəlində Suriyanın 9 müqaviləli əsgəri radikallarla toqquşmalarda həlak olub. (Tass)