Türkiyə rəsmiləri humanitar yüklərin Birləşmiş Millətlər Təşkilatının Yaxın Şərqdəki Fələstinli Qaçqınlara Yardım Agentliyindən (UNRWA) keçməsi ilə bağlı problemlərlə bağlı İsrail tərəfi ilə əlaqə saxlayır.
TRT telekanalı diplomatik mənbəyə istinadən bildirib ki, Türkiyə rəsmiləri İsrail limanında bloklanan UNRWA humanitar yardımı problemini həll etmək üçün İsrail rəsmiləri ilə əlaqə saxlayıblar .
Türkiyə hər il UNRWA-ya 26 ton ərzaq yardımı edir. Bundan əvvəl Türkiyənin Mersin limanında 1100 konteyner un və ərzaq məhsulları quruma təhvil verilib. Yük Aşdod limanına göndərilib. İsrail 1100 konteynerdən yalnız 200-nün Qəzzaya çatdırılmasına icazə verib.Telekanal qeyd edir ki, məhsulların saxlama müddəti 3-4 həftədir. (Tass)
