Yaponiya hakimiyyəti Fələstin dövlətinin tanınması imkanlarını araşdıracaq. Bu barədə “Anadolu” agentliyi adı açıqlanmayan yapon diplomatlarına istinadən xəbər verir.
“Yaponiya [Yaxın Şərqdə] sülh prosesinin irəliləyiş yollarını nəzərə alaraq, gələcəkdə Fələstinin dövlət kimi tanınması məsələsini hərtərəfli nəzərdən keçirməyə davam edəcək”, – deyə onlar bildiriblər. Diplomatlar xatırladıblar ki, Yaponiya BMT-nin Fələstinə təşkilata tamhüquqlu üzvlüyü verən qətnaməsinə səs verib.
Mənbələr bildiriblər ki, Yaponiya Yaxın Şərqdəki münaqişənin “iki xalq üçün iki dövlət” prinsipi əsasında həllini dəstəkləməyə davam edəcək. “Yaponiya Fələstin xalqının müstəqil dövlət yaratmaq istəyinə rəğbət bəsləyir və bu məqsədə çatmaq üçün fələstinlilərin səylərini dəstəkləyir”, – diplomatik departament vurğulayıb.
Agentlik xatırladıb ki, Yaponiya hazırda Fələstin dövlətini tanımasa da, 1977-ci ildən ölkənin paytaxtında Fələstin Azadlıq Təşkilatını təmsil edən diplomatik nümayəndəlik açılıb. (Tass)