Rusiya Ukraynaya onlayn rejimdə işləmək üçün üç işçi qrup yaratmağı təklif edib – hərbi, siyasi və humanitar məsələlər üzrə. Bu barədə Rusiya prezidentinin köməkçisi və Rusiya nümayəndə heyətinin rəhbəri Vladimir Medinski Ukrayna tərəfi ilə danışıqların üçüncü raundunun yekunlarına dair məlumat verib.
“Biz bu dəfə Ukrayna tərəfinə nə təklif etdik? Vergi ödəyicilərinin vaxtına və puluna qənaət etmək üçün nümayəndə heyətimiz daxilində onlayn rejimdə işləyəcək üç işçi qrupu yaratmaq”, – Medinski bildirib.
Rusiya nümayəndə heyətinin rəhbəri qeyd edib ki, bu, humanitar məsələlər, siyasi və hərbi məsələlər üzrə hərbi idarələrin mütəxəssislərindən ibarət işçi qrup olacaq. Medinskinin sözlərinə görə, Ukrayna tərəfi bu təklifə baxacaq. (Tass)