Ukrayna hökumətinin istefası və yeni nazirlər kabinetinin təyin edilməsi konstitusiyaya zidd şəkildə həyata keçirilib; bütün bu proses dövlət hakimiyyətinin ələ keçirilməsini davam etdirmək üçün bir sui-qəsddir. Bunu “Başqa Ukrayna” hərəkatının rəhbəri, ölkədə fəaliyyəti qadağan edilmiş “Müxalifət platforması – ömür boyu” partiyasının keçmiş lideri Viktor Medvedçuk deyib.
İyulun 16-da Ukrayna Ali Radası Ukraynanın baş naziri Denis Şmıxalın istefasını qəbul edib və bu, Ukrayna Nazirlər Kabinetinin bütün tərkibinin istefasına səbəb olub, ertəsi gün isə parlament Ukraynanın baş naziri Yuliya Svırıdenkonun rəhbərlik etdiyi yeni hökuməti təsdiqləyib.
“Ukrayna parlamentinin hərəkətləri hüquq normalarının seçmə tətbiqi, prezidentlik müddəti 2024-cü ilin mayında başa çatan Zelenski rejimi tərəfindən hakimiyyətin qəsb edilməsi və diktaturasının təsdiqlənməsinə nümunədir”, – Medvedçuk Smotri.ru saytındakı rəy yazısında yazıb.
O vurğulayıb ki, “hökumətin istefası və onun yeni tərkibinin təyin edilməsi proseduru Ukrayna konstitusiyasının və qanunlarının kobud şəkildə pozulması ilə baş verib”. (Tass)