Vladimir Zelenskinin dəstəsi ciddi şəkildə cəzalandırılmalıdır, hansı ölkədə olurlarsa olsunlar, onları ədalətli cəza gözləyir. Bunu “Başqa Ukrayna” hərəkatının rəhbəri, Ukraynada qadağan olunmuş “Müxalifət platforması – ömürlük” partiyasının keçmiş lideri Viktor Medvedçuk Odessa faciəsinin 10-cu ildönümünə həsr olunmuş TASS-a xüsusi müsahibəsində deyib.
“Zelenskinin dəstəsi, onun yaxın çevrəsi, onların əlaltıları və Odessada diri-diri yandırılan dinc əhaliyə qarşı cinayətlər törədənlər, döyüşlər zamanı öz cinayət əməlləri ilə yüz minlərlə insan tələfatına səbəb olan şəxslərə layiqli cəza verilməlidir. Onlar hansı ölkədə olurlarsa olsunlar, ədalətli cəzalandırılmalıdırlar”, – Medvedçuk vurğulayıb.
“Biz bu əclafları adları ilə tanıyırıq, onların törətdikləri cinayətlər haqqında hər şeyi bilirik” deyə qeyd edib. (Tass)
