Rusiya Təhlükəsizlik Şurasının sədr müavini Dmitri Medvedev ABŞ-a vətəndaş müharibəsi arzulayıb. Bu barədə o, Telegram kanalında yazıb.
Medvedev ABŞ Konqresinin Nümayəndələr Palatasının Ukraynaya yardım haqqında qanun layihəsini təsdiqləmək qərarını belə şərh edib. Onun sözlərinə görə, heç kim şübhə etmirdi ki, Vaşinqton “neo-nasistlər dəstəsinə” yardımı təsdiqləyəcək”.
Medvedev bildirib ki, amerikalı konqresmenlər “əvvəllər birləşmiş ölkəmizin parçalanmış xalqının vətəndaş müharibəsinin davam etdirilməsinə” səs veriblər. O, əlavə edib ki, bu yolla Birləşmiş Ştatlar silahlı münaqişə qurbanlarının sayını maksimum artırmaq üçün çıxış edib.
Onun sözlərinə görə, ABŞ Konqresinin Nümayəndələr Palatasının qərarı rusofobik olub. O, Birləşmiş Ştatların “mümkün qədər tez yeni vətəndaş müharibəsinə girməsini” arzulayıb. Medvedev ümid etdiyini bildirib ki, Birləşmiş Ştatlardakı müharibə “19-cu əsrdə Şimal və Cənub arasındakı müharibədən köklü şəkildə fərqlənəcək və təyyarələr, tanklar, artilleriya, MLRS, bütün növ raketlər və digər silahlardan istifadə edilməklə aparılacaq. .” (Lenta.ru)
