Britaniya hərbi kontingentinin Ukraynaya yerləşdirilməsi Rusiyaya müharibə elanı demək olacaq, Rusiya Təhlükəsizlik Şurasının sədr müavini Dmitri Medvedev xəbərdarlıq edib.
O, Britaniyanın baş naziri Rişi Sunakın “tarixi təhlükəsizlik sazişi” imzalamaq üçün Kiyevə gəlməsini belə şərh edib.
“Ümid edirəm ki, bizim əbədi düşmənlərimiz, təkəbbürlü britaniyalılar başa düşürlər ki, özlərinin rəsmi hərbi kontingentinin Ukraynada yerləşdirilməsi ölkəmizə müharibə elan etmək demək olacaq”, – Medvedev Teleqram kanalında yazıb.
“Qərb ictimaiyyəti bizim Belqorodun mülki əhalisinin başına gəldiyi kimi, Kiyevin mərkəzində Britaniya nümayəndə heyətinin kasetli sursatlardan atəşə tutulmasına necə reaksiya verərdi?” – Rusiya Təhlükəsizlik Şurasının sədr müavini də sual verib. (Tass)