Almaniyanın keçmiş kansleri Angela Merkel 2008-ci ildə alyansın Buxarestdə keçirilən sammitində Ukraynanın NATO-ya qəbul edilməməsi qərarının düzgün olduğuna inandığını, çünki Kiyevin təşkilata üzv olmasının Rusiyanı hərbi əməliyyatlara sövq edəcəyini deyib.
“Hərbi qarşıdurmanı daha əvvəl də görərdik. Mənə tamamilə aydın idi ki, [Rusiya] prezidenti Vladimir Putin arxada oturub Ukraynanın NATO-ya üzv olmasına tamaşa etməyəcək. Və o zaman Ukrayna bir ölkə olaraq əvvəlki kimi hazır deyildi. 2022-ci ilin fevralı”, – deyə Merkel BBC- yə müsahibəsində bildirib.
Ukraynadakı münaqişənin hazırkı mərhələsindən danışan keçmiş kansler “nüvə silahından istifadənin qarşısını almaq üçün mümkün olan hər şeyi etmək” zərurətini qeyd edib. “Xoşbəxtlikdən, Çin də bir müddət əvvəl bu barədə danışdı, biz qorxmamalıyıq, lakin Rusiyanın ABŞ ilə birlikdə dünyanın ən böyük nüvə gücü olduğunu qəbul etməliyik” deyib.
Merkel həmçinin əlavə edib ki, hakimiyyətdə olarkən Rusiya Federasiyası ilə, o cümlədən enerji sektorunda əməkdaşlığa can atırdı, çünki bu, Almaniyanın milli maraqlarına uyğundur. O, Rusiyanın Ukraynadakı xüsusi hərbi əməliyyatının Avropa ilə Rusiya Federasiyası arasında münasibətlərin soyuqlaşmasına səbəb olmasından təəssüfləndiyini bildirib. (Tass)
