Almaniya kansleri Fridrix Merz hesab edir ki, Almaniya uzun müddət ABŞ-dan asılı qalacaq. O, bu fikri Berlində “Ailə Müəssisələri Günü” konfransında çıxışı zamanı deyib.
“İstəsək də, istəməsək də, biz hələ uzun müddət Amerika Birləşmiş Ştatlarından asılı qalacağıq”, – kansler deyib. Eyni zamanda, Merz “son illərdə bir çoxlarının Almaniyanın liderlik rolunu qaçırdığına” diqqət çəkib. “Və bu, təkcə son üç ildə [digər Almaniya hökumətinin] vəziyyəti deyildi” deyib.
“Əgər biz avropalı qonşularımız və tərəfdaşlarımız, amerikalılar və o zamankı Sovet İttifaqının qeyd-şərtsiz etimadından istifadə etməsəydik, Almaniyanın birləşməsi mümkün olmazdı”, – deyə Merz bildirib. Onun fikrincə, Almaniya indi “beynəlxalq arenada bu etimadı qazanmalıdır”.
Merz iyunun 6-da Vaşinqtondan qayıdıb və orada iyunun 5-də ABŞ prezidenti Donald Trampla görüşüb. (Tass)