Meta, süni intellekt (Sİ) bölməsində struktur dəyişikliyi edib — köhnə təşkilat dağıdılıb, onun yerinə Meta Superintelligence Labs (MSL) adı altında dörd yeni qrup yaradılıb.
Ritorika.az Jabbarly Mediaya istinadən yazır ki, bu addım OpenAI və Google kimi rəqiblərinə qarşı geridə qalmağı aradan qaldırmaq məqsədilə atılıb.
MSL əsasən Llama seriyası kimi bazal modellərin hazırlanmasına fokuslanacaq. Yeni bölməni Scale AI-də çalışan Alexander Wang rəhbərlik edəcək. Meta-nın CEO-su Mark Zuckerberg bu komandanın formalaşmasında şəxsi məsuliyyət götürərək işə seçimi öz nəzarətində tutub.
Qeyd edək ki, bu son 6 ayda dördüncü dəfədir ki, Meta Sİ komandasında struktur islahat həyata keçirir.