Belarusun xarici işlər naziri Maksim Rıjenkov əmindir ki, ABŞ-da keçmiş prezident seçkilərini nəzərə alaraq, digər dövlətlərin başçıları Belarus lideri Aleksandr Lukaşenko ilə Ukrayna mövzusunu müzakirə etmək istəyəcəklər. Bu barədə BELTA agentliyi məlumat yayıb.
Nazirin sözlərinə görə, Belarus prezidentinin Bakıda açılmış BMT-nin beynəlxalq iqlim konfransı (COP29) çərçivəsində Asiya, Avropa, Afrika və Latın Amerikasından olan həmkarları ilə görüşü nəzərdə tutulub. “Əminəm ki, ABŞ-da keçirilən seçkiləri, Ukrayna münaqişəsinin həlli mümkünlüyü ilə bağlı dünyada baxışların müəyyən transformasiyasını nəzərə alaraq, həmsöhbətlərimiz Belarusun Ukrayna münaqişəsi ilə bağlı rəyi ilə də maraqlanacaqlar. Prezidentimizin “çəkisi”ni, bir çox proseslərdə iştirakını və dinc təşəbbüsləri nəzərə alır”, – deyə agentlik Rıjenkovdan sitat gətirir.
Xarici işlər naziri əlavə edib ki, danışıqlarda ikitərəfli gündəm və ilk növbədə ticari-iqtisadi əməkdaşlıq məsələləri də müzakirə olunacaq. (Tass)