Noyabrda Belarusda miqrasiya məsələlərinə dair beynəlxalq konfrans keçiriləcək və bu konfransda Aİ ölkələrinin nümayəndələri iştirak edəcək. Bunu Belarusun xarici işlər naziri Maksim Rıjenkov ölkə Prezidenti yanında İdarəetmə Akademiyasında tələbələr qarşısında çıxışı zamanı deyib.
“2024-cü ilin noyabrında biz bütün maraqlı tərəflərin, o cümlədən qonşu dövlətlərin, digər Aİ və MDB dövlətlərinin dəvəti ilə regionda qeyri-qanuni miqrasiya ilə mübarizə üzrə beynəlxalq konfrans keçirməyi planlaşdırırıq”, – BelTA agentliyi belaruslu nazirdən sitat gətirib.
Rıjenkovun sözlərinə görə, “konfransın potensial iştirakçıları arasında Avropa İttifaqı ölkələrinin bir sıra nazirləri artıq iştirakını təsdiqləyiblər”. (Tass)