Belarusun hüquq-mühafizə orqanları bir neçə cinayət törətdiklərinə görə axtarışda olan bu ölkənin iki vətəndaşını Litvaya ekstradisiya edib. Bu barədə İnterpolun Belarusdakı milli mərkəzi bürosunun rəhbərinin müavini Aleksey Verşel məlumat verib.
“Litva Respublikasından İnterpolun kanalları ilə cinayətkarların ölkəmizdə olma ehtimalı barədə daxil olmuş məlumat zəruri yoxlamaların aparılması üçün dərhal ərazi daxili işlər orqanlarının müvafiq cinayət-axtarış bölmələrinə göndərilib. Belarus polisi ədliyyədən gizlənən vətəndaşların yerini müəyyənləşdirib.
Onun sözlərinə görə, cinayət təqibi üçün müttəhimlərin ekstradisiyası ilə bağlı Litvanın müraciətlərinə baxılmasının nəticələrinə əsasən Baş Prokurorluq onların ekstradisiyası barədə qərar qəbul edib. “Prosedur Kamennı Log – Medininkay sərhəd-keçid məntəqəsində baş tutub”, – Verşel bildirib.
O, aydınlaşdırıb ki, saxlanılan şəxslərdən biri külli miqdarda kokain və sirr satmaq məqsədi ilə qanunsuz saxlamaqda, digəri isə qəsdən sağlamlığa ağır xəsarət yetirməkdə ittiham olunur. (Tass)