Müsəlmanların Ramazan bayramı (İftar bayramı, Fitr bayramı) zamanı Misir həbsxanalarında olan 3,5 minə yaxın insan azadlığa buraxılıb. Bu barədə Misir Daxili İşlər Nazirliyi məlumat yayıb.
Bildirilir ki, “Misir prezidentinin Fitr bayramı münasibətilə verdiyi amnistiyaya əsasən, məhkəmənin çıxardığı cəzanın çox hissəsini çəkmiş 3438 məhbus azadlığa çıxıb”.
Əvvəllər ölkə Daxili İşlər Nazirliyinin nəzdində məhbusların dosyesini öyrənən xüsusi komitələr həbsdən vaxtından əvvəl azad olunmağa layiq olan şəxslərin siyahısını müəyyənləşdirirdi. Bu siyahılar sonradan təsdiq olunmaq üçün dövlət başçısına təqdim edilib.
(Tass)