Misir hesab edir ki, hazırda Fələstinin Qəzza zolağına daxil olan yardımın həcmi anklav əhalisinin ehtiyaclarını tam ödəyə bilməz. Bunu Misirin xarici işlər naziri Sameh Şukri deyib.
İstanbulda türkiyəli həmkarı Hakan Fidanla birgə mətbuat konfransında çıxış edən nazir, “Biz (Misir hakimiyyəti ) Qəzzaya çatdırılan yardımın miqdarından razı deyilik”- deyib. Şukrinin sözlərinə görə, “Beynəlxalq ictimaiyyət Qəzza sakinlərinə kifayət qədər yardım göstərmək üçün birləşməlidir”.
Misir Xarici İşlər Nazirliyinin rəhbəri qeyd edib ki, Qahirə bu sektora yardım çatdırmaq üçün hər cür səy göstərir, lakin İsrail tərəfindən bir çox maneələrlə üzləşir. Şükriyə görə, “beynəlxalq ictimaiyyət humanitar yüklərin maneəsiz daxil olması üçün zolağı ilə sərhəddəki bütün altı nəzarət-buraxılış məntəqəsinin açılması üçün İsrail hakimiyyətinə təzyiq etməlidir”.
O, Qəzzada dərhal atəşkəsə və fələstinlilərin öz torpaqlarından zorla köçürülməsi ideyasını tamamilə rədd etməyə çağırıb. Şükri Fələstinlə bağlı beynəlxalq qətnamələrin yerinə yetirilməsinə və “müstəqil Fələstin dövlətinin yaradılmasına aparan siyasi yolun hazırlanmasına” çağırıb. (Tass)
