Misir Qəzza zolağının cənubundakı Rəfah şəhərindən dinc sakinləri təxliyə etməyə başlayan İsraildən təmkin nümayiş etdirməyi və gərginliyin qarşısını almağı tələb edib. Misir Xarici İşlər Nazirliyi müvafiq bəyanatla çıxış edib.
“Misir İsraildən maksimum təmkin nümayiş etdirməyi və danışıqlar prosesinin belə həssas məqamında vəziyyəti gərginləşdirməməyi tələb edir”, – Misir Xarici İşlər Nazirliyinin mətbuat şərhində deyilir. Xarici İşlər Nazirliyi əlavə edib ki, “İsrailin Rəfahda mümkün hərbi əməliyyatı humanitar sahədə son dərəcə ciddi nəticələrə səbəb olacaq və hazırda şəhərdə olan 1 milyondan çox fələstinlinin həyatına mənfi təsir göstərəcək”.
Nazirlik “vəziyyətin nəzarətdən çıxmasının qarşısını almaq üçün bütün maraqlı tərəflərlə əlaqə saxlamağa” davam edir. (Tass)