Hindistanın baş naziri Narendra Modi fevralda Fransaya səfər etməyi planlaşdırır. “The Hindu” qəzetinin mənbələrə istinadən verdiyi məlumata görə, Parisdə Hindistan Hərbi Dəniz Qüvvələri üçün Rafale qırıcı təyyarələri və Scorpene sualtı qayıqlarının alınması ilə bağlı sövdələşmələr bağlana bilər.
“Prezident Modinin süni intellektlə bağlı sammitdə iştirak etmək üçün Parisə səfəri gözlənilir. Səfərin həm də ikitərəfli komponenti olacaq. Tərəflər müzakirənin son mərhələsində olan iki sövdələşmə üzərində işləyirlər”, – mənbə bildirib. Hindistan hökumətinin başçısı fevralın 10 və 11-də Fransada keçiriləcək sammitdə iştirak etmək üçün dəvət alıb.
Paris və Yeni Dehli aylardır Hindistan Hərbi Dəniz Qüvvələri üçün Rafale-M döyüş təyyarələri və Scorpene sinifli sualtı qayıqların alınması üçün dəyəri 10 milyard dollardan çox olan müqaviləni müzakirə edirlər. Mənbələrin bildirdiyinə görə, bu müqavilələrin yaxın bir neçə həftə ərzində təsdiqlənmək üçün Hindistan hökumətinin müvafiq komitəsinə təqdim ediləcəyi gözlənilir. (Tass)