Hindistan dənizin dibində mövcud neft və qaz ehtiyatlarının öyrənilməsi üçün dərin dəniz yataqlarının kəşfiyyatı üzrə dövlət proqramına başlamağı planlaşdırır. Bu barədə Hindistanın Müstəqillik Günü münasibətilə çıxış edən Hindistanın Baş naziri Narendra Modi bildirib.
“Biz dənizin dibində neft və qaz ehtiyatlarının hərtərəfli kəşfiyyatını həyata keçirmək istəyirik. Məhz buna görə də Hindistan dərin dənizlərin kəşfiyyatı üzrə milli missiyaya başlamaq niyyətindədir. Bu, enerji müstəqilliyinə gedən yolda mühüm elandır”, – o deyib.
Respublikanın neft və təbii qaz naziri Hardeep Singh Puri-nin daha əvvəl bildirdiyi kimi, Hindistan xüsusilə dəniz ərazilərində aktiv şəkildə neft və qaz axtarışları aparır. Mövcud məlumata görə, Hindistanın ONGC və Oil India şirkətləri Andaman dərinsulu bölgəsində iddialı geoloji kəşfiyyat kampaniyasına başlayıb. İlk dəfə olaraq 5 min metrə qədər dərinlikdə qazma işləri aparılır. Bu kəşfiyyat quyularından biri ümidverici geoloji nəticələr vermişdir. (Tass)