Hindistanın baş naziri Narendra Modi hakim Milli Demokratik Alyansın (NDA) parlament seçkilərindəki qələbəsindən sonra formalaşdırmaq niyyətində olduğu yeni kabinetin yoxsulluqla mübarizə aparacağını və Cənubi Asiya respublikasında qadınlara yeni imkanlar verəcəyini vəd edib.
“Son 10 ildə biz 25 milyon insanı yoxsulluqdan xilas etdik” deyə Modi Yeni Dehlidə tərəfdarlarına çıxışı zamanı deyib.”Yoxsulluq keçmişdə qalmayana qədər dayanmayacağıq” o qeyd edib.
Modi əlavə edib ki, hökumətin diqqəti qadınların rolunun gücləndirilməsinə yönələcək. “Qadınların rəhbərlik etdiyi inkişaf hökumətimizin siyasətinin mərkəzində dayanır. İdmandan kosmosa qədər bütün sektorlarda qadınlar üçün yeni imkanlar təmin etmək üçün çalışırıq”, – baş nazir bildirib. (Tass)
