Pakistan daxilində terrorçularla əlaqəli hədəfləri məhv etmək məqsədi daşıyan Sindoor əməliyyatı hələ bitməyib. Bunu Hindistanın baş naziri Narendra Modi Qərbi Benqal əyalətində çıxışı zamanı deyib.
“Benqal torpağında mən 1,4 milyard hindistanlı adından bəyan edirəm ki, Sindoor əməliyyatı hələ bitməyib” deyən o, Hindistanın terroru himayə edən hər kəsə qarşı qətiyyətlə hərəkət edəcəyi barədə xəbərdarlıq edib.
Modi bildirib ki, Hindistan terrorizmə qarşı sıfır tolerantlıq siyasəti qəbul edib.
“Pahalqam hücumundan sonra Hindistan dünyaya bildirdi ki, indi Hindistana terror hücumu həyata keçirilərsə, düşmən bunun üçün ağır bədəl ödəməli olacaq”, – Hindistan hökumətinin başçısı qeyd edib. “Biz Pakistanın ağlına belə gətirməyən transsərhəd terror infrastrukturunu məhv etdik”, o əlavə edib. (Tass)