Hindistan Ukraynadakı münaqişənin sülh yolu ilə həllinin tərəfdarıdır və bu məsələdə yardım göstərməyə hazırdır. Bunu Kremldə Rusiya və Hindistan nümayəndə heyətləri arasında rəsmi danışıqlar başlamazdan əvvəl çıxış edən respublikanın baş naziri Narendra Modi deyib.
Bir gün əvvəl Rusiya prezidenti Vladimir Putinlə qeyri-rəsmi görüşə toxunan Modi deyib ki, söhbət zamanı onlar “mümkün qədər tez sülhün bərqərar olmasına razılaşıblar”. “Biz bu məsələdə hər cür yardıma hazırıq” deyib Modi.
“Mən sizi əmin edə bilərəm ki, Hindistan həmişə sülhün tərəfində olub, mən sizi dinləyəndə nikbinlik hiss etdim və gələcəyə ümidlər yarandı”, – deyə o, Rusiya liderinə müraciət edib. (Tass)