Moldova Sənayeçilər və Sahibkarların Milli Konqresi BRİKS ilə qarşılıqlı faydalı əməkdaşlığı inkişaf etdirmək istəyir. Bunu BRİKS Beynəlxalq Maliyyə-İqtisadi Forumunda çıxış edən respublikanın keçmiş baş naziri, Moldova Sənayeçilər və Sahibkarlar Milli Konqresinin prezidenti və Moldovanın Gələcəyi partiyasının lideri Vasili Tarlev deyib.
“Moldova bu gün siyasi olaraq BRİKS-ə üzv ola bilməz, amma bizdə demokratik dövlət qurmaq fikrində olan insanlar var, məsələn, Moldova Sənayeçilər və Sahibkarların Milli Konqresi, yəni bu, istehsalçıların fikridir əməkdaşlıq etmək istəyirik, amma siyasi baxımdan biz dövlətin maraqlarını təmsil edə bilmirik və biznes şurası səviyyəsində bu gün də qarşılıqlı faydalı və uzunmüddətli əməkdaşlıq haqqında saziş imzalaya bilərik”.
“Moldova Sənayeçilər və Sahibkarların Milli Konqresi olaraq biz və bu təşkilatın prezidenti tərəfindən təmsil olunan mən BRİKS İşgüzar Şurası ilə müqavilə imzalasaq, şad olaram”, – deyə Tarlev əlavə edib. (Tass)