Moldovanın keçmiş baş naziri (2001-2008) Vasili Tarlev hakimiyyəti oktyabrın 31-dək uzadılan beynəlxalq hava limanına girişi məhdudlaşdırdığına görə tənqid edib.
“Aeroportda məhdudiyyətlərin heç bir aydın və əsaslandırılmış səbəb olmadan daha 30 gün davam etməsi qəbuledilməzdir. Bu, moldovalılara, hörmətlə rəftar olunmağa layiq olan vətəndaşlara istehzadan başqa bir şey deyil. Adi insanlar niyə əziyyət çəkməlidir? Bu uzun və absurd tədbirlərin əsl səbəbi nədir?. Onun fikrincə, hakimiyyət bu hərəkətləri ilə “insanlara qorxu salmaq istəyir ki, qorxsunlar və başlarını qaldırmağa cəsarət etməsinlər”.
“İnsanlar artıq öz qohumları ilə vidalaşa və ya onları düzgün qarşılaya bilməzlər, təbii ki, hava limanları məyusluq və əsassız məhdudiyyətlər deyil, görüş və həyəcan yeri olmalıdır”, – deyə Tarlev vurğulayıb. (Tass)