MSK sədri Müstəqil Mətbuat Mərkəzinin yaradılma məqsədindən danışıb
Bütün seçkilərdə Müstəqil Mətbuat Mərkəzi yaradırıq. Məqsədimiz odur ki, seçkilərə hazırlıq, səsvermənin keçirilməsi və bundan sonrakı proseslərdə şəffaflıq təmin edilsin, bu haqda informasiyalar düzgün çatdırılsın.
“Report”un məlumatına görə, bunu Mərkəzi Seçki Komissiyasının (MSK) sədri Məzahir Pənahov jurnalistlərə açıqlamasında deyib.
MSK sədri jurnalistləri mərkəzin imkanlarından istifadə etməyə çağırıb: “MSK bu Müstəqil Mətbuat Mərkəzinin fəaliyyətinə xüsusi önəm verir. Çünki media olmasa, prosesləri nəinki beynəlxalq ictimaiyyətə, heç öz cəmiyyətimizə də çatdırmaq mümkün deyil”.