“Report”un məlumatına görə, komitə sədri jurnalistlərə açıqlamasında bildirib ki, azad olunan ərazilərdə məscidlər, dini abidələr bərpa olunur.

M.Qurbanlı vurğulayıb ki, Heydər Əliyev Fondu bu istiqamətdə geniş işlər görür: “Bu yaxınlarda Şuşanın yuxarı Gövhərağa məscidi imam təyin edilib. Digər məscidlərdə təmir işləri başa çatdıqdan sonra müvafiq qurumların müraciəti əsasında müsahibədən keçmək şərti ilə din xadimləri təyinatı həyata keçiriləcək”.

O, həmçinin əlavə edib ki, Xankəndiyə din xadimi təyinatı ilə bağlı təklif var və məsələyə baxılır.