ABŞ Hökumətinin Effektivliyi Departamentinin (DOGE) rəhbəri İlon Mask hesab edir ki, bir çox Avropa ölkələrinin liderləri “əbədi müharibə istəyirlər”.
“Onlar əbədi müharibə istəyirlər. Daha neçə valideyn oğulsuz qalacaq? Daha neçə uşaq atasız qalacaq? Əgər onların məntiqinə əməl etsək, münaqişə heç vaxt bitməyəcək”, – deyə sahibkar özünün X səhifəsində videonun repostunu və Danimarkanın baş naziri Mette Frederiksenin “Ukraynadan daha çox müharibə olduğunu” söyləyən sitatını yazıb.
Daha əvvəl Mask Vladimir Zelenskinin Ukraynadakı münaqişəni yox, daha çox “əbədi müharibə”ni həll etməyə çalışdığı barədə fikir bildirib.
Martın 6-da Avropa liderləri Brüsseldə Ukrayna münaqişəsini və Aİ-nin müdafiəsinin gücləndirilməsini müzakirə etmək üçün fövqəladə sammit keçirəcək. Aİ nümayəndəsi jurnalistlərə bildirib ki, hər iki mövzu ABŞ-ın yeni administrasiyasının Ukrayna münaqişəsi və Avropanın müdafiəsi ilə bağlı mövqeyi kontekstində müzakirə olunacaq. (Tass)
