BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq prosesində Azərbaycanın dövlət qurumları, BMT təmsilçiləri, könüllülər və media nümayəndələri iştirak edirlər.
“Report” xəbər verir ki, bunu COP29-un Əməliyyat Şirkətinin İdarə Heyətinin sədri və Əməliyyatlar üzrə baş icraçı Nərmin Carçalova COP29-un baş qərargahında keçirilən ilk mətbuat konfransında deyib.
Onun sözlərinə görə, qonaqların qarşılanması, yerləşdirilməsi, yerli və xarici medianın tədbirdə təmsil olunması ilə bağlı işlər aparılır.
“Gənc könüllülər üçün COP29-la bağlı proqram elan ediləcək və yaxın günlərdə bununla bağlı qeydiyyat başlayacaq”, – N.Carçalova qeyd edib.