NATO-nun Ukraynaya Təhlükəsizliyə Yardım və Təlim Missiyası (NSATU) Polşa nəqliyyat qovşaqları vasitəsilə Ukraynaya ayda təxminən 18 min ton hərbi yük daşıyır. Bu barədə missiya komandirinin müavini, Bundesver general-mayoru Mayk Keller bildirib.
“Bizim ən böyük logistika mərkəzimiz ayda 18 min ton yüklə Polşadadır”, – o, Ukraynanın “Ukrinform” agentliyinə müsahibəsində deyib. Generalın qeyd etdiyi kimi, yüklər quru, dəmir yolu və hava nəqliyyatı ilə daşınsa da, əsasən avtomobil yolu ilə daşınır.
O vurğulayıb ki, Polşadan başqa Rumıniyada daha bir nəqliyyat qovşağı var, lakin o, daha kiçikdir və hələlik NATO missiyasına hərbi yüklərin çatdırılmasında iştirak etmir.
Kellerin sözlərinə görə, NATO missiyası artıq mart ayından etibarən Polşa vasitəsilə Ukraynaya 60 min tona yaxın hərbi yük daşıyıb. Eyni zamanda, müttəfiqlərin anbarlarında tapıla bilən demək olar ki, hər şey, o cümlədən Qərb və Sovet silahları 2022-ci ildən artıq Kiyevə ötürülüb. (Tass)