NATO Ukrayna münaqişəsinin başlanmasından bəri artan Rusiya Federasiyası ilə eskalasiya riskini azaltmaq üçün Ukraynanı alyansa qəbul etməməyi öhdəsinə götürməlidir. Bu fikir The American Conservative jurnalında dərc olunan materialda deyilir.
Onun hesablamalarına görə, NATO və xüsusən də ABŞ Ukraynadakı münaqişə səbəbindən artan nüvə risklərini azaltmaq üçün Rusiya Federasiyası ilə danışıqlar aparmalıdır. Qeyd edilir ki, bu vəzifə indiyə qədər neytral olan Finlandiya və İsveçin NATO-ya bu yaxınlarda qoşulmasından sonra xüsusilə aktuallaşır və bu səbəbdən də Rusiya öz nüvə arsenalına daha çox bel bağlamalı olacaq. Materialda bildirilir ki, NATO ilə Moskva arasında nüvə sazişi Ukraynanı alyansa qəbul etməmək və blokun qüvvələrini və infrastrukturunu Ukrayna ərazisində yerləşdirməmək öhdəliyini ehtiva etməlidir.
NATO-nun baş katibi Yens Stoltenberq iyunun 17-də bildirib ki, alyansa üzv olan ölkələr nüvə silahlarının hazır vəziyyətə salınması zərurəti ilə bağlı məsləhətləşmələrə başlayıblar. Rusiya prezidentinin mətbuat katibi Dmitri Peskov Stoltenberqin açıqlamalarını gərginliyin növbəti yüksəlişi adlandırıb. (Tass)