Azərbaycanda bütün tələbələrin təxminən 50 faizdən çoxu təqaüd alır.
“Report” xəbər verir ki, bunu elm və təhsil nazirinin müşaviri Nicat Məmmədli Prezident İlham Əliyevin tələbə təqaüdlərinin artırılması ilə bağlı Sərəncamını şərh edərkən deyib.
O bildirib ki, artımlar bütün təhsil pillərləinə şamil olunur:
“Sonuncu dəfə təqaüdlər 2023-cü ildə artırılıb. Sərəncamla daha yüksək akademik göstəriciləri olan tələbələr daha çox təqaüd alacaq. Təqaüdlərin artırılması tələbələrin daha yaxşı təhsil almalarına, təhsilə fokuslanmalarına və sosial şəraitinin yaxşılaşmasına şərait yaradacaq”.