Azərbaycanın aqrar sektorundakı dəyişiklikləri anlamaq üçün data texnologiyaları lazımdır.
“Report” xəbər verir ki, bunu Kənd Təsərrüfatı Nazirliyinin Meyvəçilik və Tərəvəzçilik şöbəsinin müdiri Surxay Novruzov deyib.
Onun sözlərinə görə, Azərbaycanda şəbəkələşmiş iqlim data mərkəzi yoxdur: “Bütün məlumatlar datalara əsaslanmalıdır. Məsələn, Elektron Kənd Təsərrüfatı İnformasiya Sistemində 500 min fermer barədə məlumat var. Həmçinin, Azərbaycanda 200 min hektar meyvə bağı barədə məlumat var”.
“Nazirlik data mərkəzdən sonra aqrar sahədə innovasiyaların genişləndirilməsi üzərində işləyir”, – deyə şöbə müdiri əlavə edib.