Rusiya İraqın suverenliyini dəstəkləyir və bu ölkənin xarici siyasət meydançasına çevrilməsinə qarşıdır. Bunu Rusiyanın BMT-dəki daimi nümayəndəsi Vasili Nebenzya İraqdakı vəziyyətlə bağlı Təhlükəsizlik Şurasının iclasında deyib.
“Biz İraqın suverenliyinə dəstəyimizi ifadə edirik və ölkənin daxili işlərinə istənilən müdaxiləyə qarşıyıq. Respublika kənar oyunçular arasında hesablaşma meydanına çevrilməməlidir”, – o qeyd edib.
Diplomat həmçinin İraq rəhbərliyinin Fələstin-İsrail münaqişəsinin kəskinləşməsi fonunda ölkənin regional böhranlara cəlb olunmasının qarşısını almaq məqsədi daşıyan hərəkətlərini alqışlayıb. Onun sözlərinə görə, “Yaxın Şərqdə ümumi sabitləşmənin açarı iki dövlət formulundan istifadə etməklə Fələstin məsələsinin hamılıqla tanınmış beynəlxalq hüquqi əsasda ədalətli həllidir”.
Nebenzya dərhal və qeyd-şərtsiz atəşkəs, bütün saxlanılan şəxslərin azad edilməsi və təhlükəsiz və maneəsiz humanitar yardımın əldə edilməsi çağırışını təkrarlayıb.