Nepalın baş naziri Puşpa Kamal Dahal ölkədə TikTok sosial şəbəkəsinin qadağan edilməsi qərarına yenidən baxılması və bunun əvəzinə platformanı tənzimləmək üçün əlavə tədbirlərin tətbiqi imkanlarını gündəmə gətirib. Bu barədə hökumət başçısı Nepal mediasının redaktorları ilə görüşündə bildirib.
“Qadağaya ictimai reaksiyanı görərək, digər sosial şəbəkələrlə də etməyi planlaşdırdığımız kimi, indi TikTok-un tənzimlənməsi ideyasına açığam. Hökumətin yekunlaşdırdığı 2023 Sosial Media Direktivlərindən istifadə edərək bu platformanı tənzimləyə bilərik”. The Kathmandu Post Dahalın sözlərindən sitat gətirib.
Nepal Nazirlər Kabineti noyabrın 13-də TikTok-u qadağan etmək qərarına gəlib, lakin tədbirin qüvvəyə minmə tarixi razılaşdırılmayıb. Hakimiyyət bu qərarı “sosial şəbəkənin sosial harmoniyaya mənfi təsiri” ilə əsaslandırıb. Hökumətin məlumatlarına görə, son dörd il ərzində platformada 1600-dən çox kibercinayətlər qeydə alınıb. (Tass)