İsrailin baş naziri Binyamin Netanyahu Fələstinin HƏMAS radikal hərəkatının yaraqlıları tərəfindən saxlanılan girovların bir qisminin azad edilməsi müqabilində Qəzza zolağında beş gün müddətinə atəşkəs rejiminin yaradılması təklifi ilə razılaşmayıb. Bu barədə Britaniyanın “The Guardian” qəzeti mənbələrə istinadən məlumat yayıb.
Nəşrin yazdığına görə, Netanyahu bir neçə dəfə sözügedən təklifdən imtina edib: danışıqların ilkin mərhələsində oktyabrın 7-də HƏMAS hücumundan dərhal sonra və ötən ayın sonunda İsrail ordusunun quru əməliyyatına başladıqdan sonra. Yəhudi dövlətinin baş nazirinin ofisi bu məlumatı şərh etməyib.
Eyni zamanda, The Guardian-ın mənbələri İsrail tərəfinin HƏMAS-dan girovların adları ilə tam siyahısını təhvil verməsini tələb etdiyini, lakin hərəkat nümayəndələrinin Qəzzanın bombalanmasını nəzərə alsaq, belə bir ehtimalın olmadığını bildiriblər. Qəzet qeyd edib ki, hazırda İsrail və HƏMAS Qətərin təmsil olunduğu vasitəçi vasitəsilə apardığı dolayı danışıqlar zamanı hərəkatın 10-15 girovu azad etməsi şərti ilə bir gündən üç günə qədər davam edəcək atəşkəs əldə etmək imkanını müzakirə edirlər. (Tass)