İsrailin baş naziri Benyamin Netanyahu İran xalqına müraciət edərək, onların ölkələrinin çoxlarının gözlədiyindən daha tez azad olacağını bəyan edib.
İsrail liderinin İran vətəndaşlarına nadir müraciəti Fələstin ərazilərində və Livanda hərbi əməliyyatlar, həmçinin Suriyada hava hücumları və İrana qarşı təhdidlər fonunda səslənib.
Netanyahu İran liderlərini “tiran” adlandıraraq, onları resursları vətəndaşların ehtiyaclarına yönəltmək əvəzinə, regionda münaqişələri qızışdırmaqda ittiham edib. O, israillilərin və iranlıların sülh şəraitində yaşaya biləcəklərinə əminliyini ifadə edib, lakin İsrailin Yaxın Şərqin istənilən nöqtəsinə hücum ehtimalı da daxil olmaqla özünü müdafiə etməyə hazır olduğunu vurğulayıb.
İran isə öz növbəsində təcavüz ittihamlarını rədd edir və regionda gərginliyin artmasına görə İsrailin məsuliyyət daşıdığını deyir. (Pravda.ru)