İsrail radikal Fələstinin HƏMAS hərəkatını, xüsusən də onun rəhbərliyini məhv etməkdə qərarlıdır, bundan sonra Qəzza zolağına nəzarət texnokratlara keçə bilər. Bunu Yəhudi Dövlətinin Baş naziri Benyamin Netanyahu deyib.
O, mətbuat konfransında Fələstin anklavının müharibədən sonrakı gələcəyi ilə bağlı sualı cavablandırarkən, “Həmasın rəhbərliyini öhdəlik götürdüyümüz kimi məhv edəcəyik” deyib.
Netanyahunun sözlərinə görə, HƏMAS-ın inzibati və hərbi strukturunun məhv edilməsi bu hərəkatın tərəfdarlarının Qəzzada hakimiyyətdə qalma ehtimalını aradan qaldırmalıdır. “Bundan sonra təbii ki, hansısa başqa struktur, texnokratların idarəsi yaratmaq lazım gələcək. Biz nifrət aşılamayan, terrorçulara maaş verməyən, terrorçu göndərməyən strukturu nəzərdə tuturuq. Bu, arzuolunandır, üzərində işləyirik, HƏMAS-ı, o cümlədən onun liderlərini məhv etmədən, ondan heç nə çıxmayacağı aydındır”, – deyə İsrailin baş naziri bildirib. (Tass)