İsrailin baş naziri Benyamin Netanyahu ABŞ prezidenti Co Baydenlə telefon danışığından sonra Qəzza zolağında gündə əlavə 10 girovun azad edilməsi şərti ilə dörd günlük humanitar fasilənin uzadılması imkanını müsbət qiymətləndirdiyini bildirib.
Baş nazirlik tərəfindən yayılan videomüraciətdə Netanyahu Bayden ilə Qəzzadan daha bir girov qrupunun azad edilməsini müzakirə etdiyini və bu söhbəti “çox emosional” adlandırdığını söylədi. “Amma bununla yanaşı, mən də demək istəyirəm: hər gün daha 10 girovu azad etmək üçün bir yolumuz var. Bu, gözəl bir şeydir”, – İsrailin baş naziri deyib.
Eyni zamanda, o vurğulayıb ki, fasilə başa çatdıqdan sonra İsrail istənilən halda Fələstin anklavında hərbi əməliyyat keçirməyə qayıtmaq niyyətindədir. (Tass)