İsrailin baş naziri Binyamin Netanyahu Qəzza zolağı ətrafında aktiv döyüş əməliyyatlarının başlanması fonunda müxalifət liderlərindən biri Benni Qantsın iştirakı ilə ölkədə fövqəladə hökumətin yaradılmasını rəsmən elan edib.
“İsrail vətəndaşları, bu gecə biz fövqəladə hökumət formalaşdırdıq. İsrail xalqı birdir, bu gün də onun rəhbərliyi də yekdildir. Ölkəmizin taleyi hazırda təhlükə altında olduğu üçün biz bütün digər mülahizələri bir kənara qoyduq. Biz birlikdə çalışacağıq. Bütün israillilərin yaxşılığı üçün, İsrail Dövlətinin yaxşılığı üçün”, o, xalqa televiziya müraciəti zamanı deyib.
Baş nazir vurğulayıb ki, İsrail hakimiyyətinin indi əsas vəzifəsi oktyabrın 7-də ölkəyə hücum edən radikal Fələstinin Həmas təşkilatı üzərində qələbə qazanmaqdır. (Tass)