İsrail ABŞ prezidenti Co Baydenin təklif etdiyi, Qəzza zolağında atəşkəs və orada saxlanılan girovların azad edilməsini nəzərdə tutan plana sadiq qalır. Bunu Yəhudi Dövlətinin Baş naziri Benyamin Netanyahu deyib və onun həyata keçirilməsinə bütün maneələrin Fələstinin radikal HƏMAS hərəkatı tərəfindən yaradıldığı fikrini ifadə edib.
“Girovlarımızı azad etmək kimi müqəddəs missiyaya gəlincə, İsrailin prezident Baydenin dəstəklədiyi azad etmə planı ilə bağlı mövqeyində heç bir dəyişiklik olmayıb. Bu gün hamı sadə həqiqəti bilir: “Həmas” girovlarımızın azad edilməsinə yeganə maneədir. Diplomatik və hərbi təzyiqləri birləşdirərək, “İlk növbədə, biz onların hamısını – diri və ölü 120 girovun hamısını geri qaytaracağıq”, – Netanyahu Nazirlər Kabinetinin həftəlik iclasında deyib. Onun açıqlamalarını hökumət başçısının aparatı yayıb. (Tass)