Nazirlər Kabinetinin iclasından sonra İsrailin baş naziri Benyamin Netanyahu rəsmilərdən İranla atəşkəs razılaşması əldə olunması ilə bağlı xəbərlərə münasibət bildirməməyi xahiş edib. Bu barədə İsrailin N12 telekanalı məlumat yayıb.
N12 xəbər verir ki, Baş nazir “sonrakı xəbərdarlığa qədər” şərh verməkdən çəkinməyi xahiş edib.
Bundan əvvəl ABŞ prezidenti Donald Tramp İsrail və İranın yaxın saatlarda tam atəşkəs barədə razılığa gəldiyini bildirmişdi. Onun sözlərinə görə, əvvəlcə Tehran atəşi dayandıracaq, yəhudi dövləti bunu 12 saat ərzində edəcək və “24-cü saatda dünya 12 günlük müharibənin başa çatmasını qeyd edəcək”. (Tass)