İsrail Qəzza zolağında saxlanılan girovların azad edilməsi üçün qəti addımlar atmağa və Fələstin anklavında radikal Həmas hərəkatına qarşı hərbi əməliyyatın məqsədlərinə nail olmağa davam edəcək. Baş nazir Benyamin Netanyahu bu barədə ofisinin yaydığı xüsusi video müraciətində bildirib.
“Biz girovların İsrailə qaytarılması və müharibənin bütün məqsədlərinə çatmaq üçün qətiyyətlə hərəkət etməyə davam edəcəyik”, – deyə o bildirib. Hökumət başçısı qeyd edib ki, onun ölkəsi “son iki həftə ərzində 13 israillini Həmas əsirliyindən, həmçinin 5 Tailand vətəndaşını azad etməyə nail olub”.
Onun sözlərinə görə, İsrail “bu həftənin əvvəlində (cümə axşamı ) əvvəlki mərhələdə [girovların azad edilməsi] zamanı açıq şəkildə bəyan edib ki, o, razılaşmanın pozulmasını qəbul etmir”. “Biz üç girovumuzun azad edilməsinin bir həftə əvvəl baş verməsində israr etdik və buna nail olduq və növbəti mərhələlərdə girovlarımızın təhlükəsiz çıxışını tələb etdik”, – deyə Netanyahu “bu qəti mövqenin bəhrəsini verdiyini” qeyd edib. ” “İsrail bütün sonrakı mərhələlərin də təhlükəsiz mühitdə həyata keçiriləcəyini gözləyir”, – o əlavə edib. (Tass)
