İsrailin baş naziri Benyamin Netanyahu ABŞ-ın yeni seçilmiş prezidenti Donald Trampın inaqurasiya mərasimi üçün yanvarın 20-nə planlaşdırılan ABŞ səfərini ləğv edib. Bu barədə “The Times of Israel” qəzeti İsrail hökuməti başçısının köməkçilərindən birinə istinadən məlumat yayıb.
Nəşrin mənbəsi İsrail hökumətinin başçısının bu planlardan niyə imtina etdiyini dəqiqləşdirməyib.
Yanvarın 1-də “The Times of Israel” qəzeti yazıb ki, ilin sonunda prostatını çıxarmaq üçün əməliyyat olunsa da, Netanyahu hələ də Trampın inauqurasiya mərasimində iştirak etməyi planlaşdırır. Qəzetin mənbələrinin bildirdiyinə görə, dekabrın 31-də gözlənilən səfərin maddi-texniki bazasının işlənib hazırlanması üçün məsləhətləşmələr aparılıb. Nəşrin o zaman qeyd etdiyi kimi, Netanyahunun səhhətindən əlavə, İsrail tərəfinin narahatlığı Beynəlxalq Cinayət Məhkəməsi tərəfindən onun həbsi üçün verilən orderlə bağlı idi. İsrailin baş nazirinin təyyarəsi ABŞ-a uçan ölkələrdən birinə təcili eniş edəcəyi təqdirdə bu dövlətlərin səlahiyyətliləri əmri yerinə yetirə bilərdi. (Tass)
