İsrailin baş naziri Benyamin Netanyahunun ofisi Fələstinin radikal HƏMAS hərəkatını Qəzza zolağında atəşkəs razılaşmasına və radikallar tərəfindən saxlanılan girovların azad edilməsinə qarşı çıxmaqda ittiham edib.
“Qəzza atəşkəsi və oğurlananların azad edilməsi ilə bağlı razılaşmaya qarşı çıxan İsrail deyil, Həmasdır. Baş nazir Netanyahu aydınlıq gətirib ki, İsrail həm diri, həm də ölü 120 girovu qaytarana qədər Qəzza zolağından çıxmayacaq”. – ofisin açıqlamasında deyilir.
Ynet portalı qeyd edir ki, baş nazirlik departamenti Netanyahu iyunun 23-də axşam saatlarında İsrailin 14 telekanalına müsahibəsində HƏMAS ilə “qismən razılaşma” bağlamağa hazır olduğunu bəyan etdikdən sonra izahat verib. (Tass)