İqlim məqsədlərinə nail olmaq üçün özəl sektorun fəal iştirakı lazımdır.
“Report” xəbər verir ki, bunu BMT-nin COP29-da iqlim dəyişmələri üzrə yüksək səviyyəli çempionu Nigar Arpadarai Bakıda BMT-nin İqlim Dəyişmələri üzrə Tərəflərin İlkin Konfransı (Pre-COP29) çərçivəsində keçirilən panel sessiyasında deyib.
“İqlim dəyişikliyi ilə mübarizənin maliyyələşdirilməsi özəl kapital olmadan kifayət etməyəcək. Bizə özəl sektor lazımdır. Lakin biz görürük ki, kiçik və orta müəssisələr bir çox hallarda geridə qalır. Bu, əldə etmək istədiyimiz daha bir hədəfdir. Çünki kiçik və orta müəssisələr real iqtisadiyyatdır, onlar iqtisadi artımın 90 %-ni təmin edir”, – o bildirib.