Maghreb Arabe Press xəbər agentliyi xəbər verir ki, Niger hökumət ordusu Kokoloko bölgəsində (ölkənin cənub-qərbindəki Tillaberi bölgəsi) “Fassa” adlı əməliyyat zamanı 60 terrorçunu məhv edib.
Bundan əlavə, hərbçilər yaraqlıların silah və sursatlarını, rabitə vasitələrini, nəqliyyat vasitələrini, maddi-texniki təchizatını aşkar edərək müsadirə ediblər, həmçinin 30-a yaxın əldəqayırma partlayıcı qurğuları (PUA) məhv ediblər.
Əməliyyat zamanı Niger ordusunun 1 əsgəri həlak olub, daha 6 əsgər isə yaralanıb. Terrorçular PUA-dan istifadə edərək bir ordu avtomobilini məhv ediblər.
Nigerin Mali və Burkina Faso ilə sərhədləri yaxınlığında yerləşən cənub-qərb bölgələri artıq bir neçə ildir ki, ekstremist və terrorçu qrupların fəallığının artdığı ərazidir. (Tass)